အခက်အခဲကို ချစ်ခြင်းနဲ့ မိတ်ဖွဲ့ပါ” ဆိုတဲ့ စာအုပ်လေးက လူငယ်၊ လူလတ်၊ လူကြီးမရွေး ဖတ်လို့ အကျိုးများစေမယ့် စာအုပ်ကောင်းလေး ဖြစ်ပါတယ်။ ဒီစာအုပ်လေးက အခက်အခဲတွေကြားထဲ မိဘ၊ ညီအစ်ကို မောင်နှမ၊ မိသားစုနဲ့ မိတ်ဆွေအပေါင်းသင်းတွေကြား “ချစ်ခြင်းမေတ္တာ” တွေနဲ့ အကောင်းမွန်ဆုံး ရှင်သန်နေထိုင်နိုင်စေဖို့ ရည်ရွယ် ရေးသားထားခြင်း ဖြစ်ပါတယ်။ အခက်အခဲတွေကြားကနေ ကုသိုလ်စိတ်၊ မေတ္တာစိတ်အပြည့်နဲ့ ဖြတ်သန်းခြင်းတို့ဟာ ဘဝရဲ့ တန်ဖိုးအရှိဆုံး အခိုက်အတန့်တွေပါပဲ။ ဒီစာအုပ်လေးကို ဖတ်ပြီးရင် ဘဝကို အကောင်းဆုံးကြိုးစားချင်စိတ် ဖြစ်လာပါလိမ့်မယ်။ ရလာတဲ့ ရလဒ်တွေကိုလည်း သဘာဝကျကျ လက်ခံနိုင်စေဖို့ လက်တွေ့ကျတဲ့ အတွေးအမြင်၊ သင်ခန်းစာတွေနဲ့ ရေးသားထားပါတယ်။ စိတ်ဓာတ်ကျခြင်းမှ အမှန်တကယ် လျော့ကျစေမယ်လို့လည်း ယုံကြည်ပါတယ်။

💕စာညွှန်း – တစ်ခါတလေ ကျွန်တော်တို့တွေ ဘာမှ မလုပ်ရသေးဘဲ ပင်ပန်းနေတတ်တယ်။ အဲဒီပင်ပန်းမှုဟာ အလုပ်များလို့ပဲ မဟုတ်ပါဘူး။ နေ့စဉ်ဘဝရဲ့ တာဝန်တွေ၊ မပြောဖြစ်တဲ့ စိတ်ဒဏ်ရာတွေ၊ အမြဲတမ်းကောင်းအောင် ကြိုးစားနေရတဲ့ ဖိအားတွေက တိတ်တိတ်လေးနဲ့ စိတ်ကို နွမ်းနယ်လာစေတတ်ပါတယ်။ တချို့အချိန်တွေမှာ ကိုယ့်ကိုယ်ကိုယ်တောင် မေးမိတတ်တယ်။ “ဘာလို့ ဒီလောက်ပင်ပန်းနေတာလဲ”“ငါ တကယ်ပဲ အားနည်းနေတာလား” ဒါပေမဲ့… ပင်ပန်းတယ်ဆိုတာ အားနည်းခြင်းရဲ့ သက်သေမဟုတ်ပါဘူး။ဘဝကို ရင်ဆိုင်နေဆဲ၊ ကြိုးစားနေဆဲဆိုတဲ့ သက်သေတစ်ခုပါ။ ကျွန်တော့်ရဲ့တတိယမြောက်စာအုပ်ဖြစ်တဲ့ “ပင်ပန်းမှုတွေကြားမှာ ရင့်ကျက်စွာ ရှင်သန်ခြင်း” ဆိုတဲ့စာအုပ်လေးက သင့်ရဲ့ ပြဿနာတွေကို ချက်ချင်းပျောက်ကွယ်သွားစေမယ့် စာအုပ်လေးတော့ မဟုတ်ပါဘူး။ ဒါပေမဲ့… အခက်အခဲတွေကြားမှာ ကိုယ့်ကိုယ်ကိုယ် မပျောက်ဆုံးအောင်၊ ကျရှုံးမှုတွေကြားမှာ ပြန်လည်ရပ်တည်နိုင်အောင်၊ ဘဝရဲ့ ခက်ခဲတဲ့အချိန်တွေကို ပိုနားလည်ပြီး ရင့်ကျက်စွာ ဖြတ်သန်းနိုင်အောင် […]

စာညွှန်း – ဒီစာအုပ်လေးက လောကဓံလှိုင်းတံပိုးတွေကြားမှာ မိမိရဲ့စိတ်ကို ချမ်းသာအောင်ထားဖို့၊ မိမိရဲ့စိတ်ကိုပြုပြင်ဖို့နည်းလမ်းကောင်းတွေကိုမြင်တွေ့ရမှာပါ။ ဘဝရဲ့ အနိမ့်အမြင့်၊အတက်အကျ၊ မှန်ကင်းတစ်လှည့် ထင်းတစ်လှည့်နဲ့ စုန်ဆန်စီးမျောနေကြရတဲ့ ဘဝတိုက်ပွဲမှာ ဘယ်လို စိတ်ထားလေးတွေက ဘဝကိုတိုးတက်တောက်ပြောင်စေလဲဆိုတဲ့ အချက်တွေကိုဖတ်ရမှာ ဖြစ်ပါတယ်။ စိတ်ချမ်းသာအောင်နေနည်း တစ်ခုတည်းကို အသားပေးထားတာမဟုတ်ဘဲ တခြားသော အကျိုးရှိစေမယ် စာတွေလည်း ပါဝင်တယ်။ မိမိကို တိုက်ခိုက်လာသူတွေအပေါ် အကျိုးရှိရှိ ချေပနည်းနဲ့ မမြင်ချင်ယောင် ဆောင်ထားတဲ့ မိမိရဲ့ အားနည်းချက် အားသာချက်တွေကို မြင်အောင်ကြည့်ခြင်းက ကျိုးဖြစ်ထွန်းပုံ စတဲ့ အကြောင်းအရာလေးတွေလည်း ပါဝင်ပါတယ်။ လူမှုဆက်ဆံရေး၊စည်းကမ်းလိုက်နာရေး၊စာရိတ္တထူထောင်ရေး၊ချစ်သူရည်းစား၊အိမ်ထောင်ရေးအထိ အကြောင်းအရာ အစုံကို ခေါင်စဉ် ၁၅ မျိုးနဲ့ ရေးသားထားပါတယ်။ တစ်ယောက်တည်း အချိန်ယူပြီး ဒီစာအုပ်ကို ဖတ်ရှုမယ်ဆိုရင် မိမိရဲ့ သောကအပူတွေကို ငြိမ်းပေးဖို့ ကူညီပေးပါလိမ့်မယ်။