🔻လွန်ခဲ့သော ၂၆ နှစ်ခန့်က ပင်လယ်ပြင်မှာဖြစ်ပျက်ခဲ့သည့် အဖြစ်အပျက်တစ်ခု၊ သက်ဆိုင်ရာသင်္ဘောသားများမှလွဲ၍ တခြားသူများ မသိရှိခဲ့သော အဖြစ်အပျက်တစ်ခုကို စာရေးသူမှ မမျှော်လင့်ဘဲ သိရှိခဲ့ရသည့်အတွက် ရေဆုံးရေဖျားလိုက်ကာ မှတ်တမ်းတင်ရေးသားခဲ့ရသော စာအုပ်တစ်အုပ်။
🔻ပင်လယ်ကူး Tanker သင်္ဘောကြီး MT LOUISA ကို ပင်လယ်ဓားပြများက ခုနစ်ရက်တိုင်တိုင် ပြန်ပေးဆွဲခဲ့ပြီးနောက် မထင်မှတ်ဘဲ ပြန်လည်လွတ်မြောက်လာသည့်အကြောင်း။
🔻ဒီအကြောင်းများကို မြန်မာသင်္ဘောသားတစ်ယောက်မှ ပြန်မပြောချင်သော်လည်း ပြန်ပြောခဲ့ပါသည်။
ယခုတိုင် ဒီအကြောင်းများကို ပြန်စဉ်းစားမိလျှင် ညဘက် အိပ်မပျော်သူများလည်း ရှိနေဆဲပင်။
🔻သင်္ဘောသားဆိုသည်မှာ ဒေါ်လာကိုင်နိုင်သော လက်ဖျားငွေသီးနေသည့်လူတန်းစားဟု အများက ထင်မြင်ကြသော်လည်း ပင်လယ်ပြင်တွင် အသက်အန္တရာယ် အချိန်မရွေးကျရောက်နိုင်ကြောင်းကို သိရှိသူ နည်းပါသည်။
✏️ပင်လယ်ဓားပြဆိုသည့် လူတန်းစားများအကြောင်း။
✏️ပင်လယ်ဓားပြများ၏ မယုံကြည်နိုင်စရာ လှည့်ကွက်များ။
✏️ပင်လယ်ဓားပြများနှင့် သင်္ဘောသားတို့၏ သံယောဇဉ်။
✏️အရေးအကြောင်း ကြုံလာသောအခါ ခေါင်းအေးအေးထားပြီး ဆုံးဖြတ်ချက်ခိုင်မာသူတစ်ယောက်။
🔻လက်တွေ့ရင်ဆိုင်တွေ့ကြုံခဲ့ရသည့် သင်္ဘောသားကြီးများ၏ အန္တရာယ်ရေလက်ကြားမှ စွန့်စားခန်းများကို စာရေးသူမှ အသေးစိတ် မေးမြန်းမှတ်တမ်းတင်ထားသော စာအုပ်လေးပဲ ဖြစ်ပါသည်။
