ပန်းကလေးတွေ…
ဘယ်လိုပန်းကလေးတွေလဲဆိုတော့ ပိုးကိုက်ခံပန်းကလေးတွေပါ။ ကျွန်တော့်စာအုပ်ထဲက ပန်းကလေးတွေဟာ အမျိုးသမီးတွေကို ကိုယ်စားပြုပါတယ်။ ဘယ်လိုအမျိုးသမီးတွေလဲဆိုတော့ ချစ်သူရည်းစားဘဝကနေ လင်မယားဆိုတဲ့ ခေါင်းစဉ်အောက်ကို ခုန်ကူးသွားကြတဲ့ အမျိုးသမီးလေးတွေပါ။
ချစ်သူရည်းစားဘဝမှာ သာယာပျော်ရွှင်ခဲ့ကြပေမယ့် လင်မယားလည်းဖြစ်ရော အရာရာဟာ ပြောင်းလဲသွားတတ်ကြပါတယ်။ ကိုယ့်အတွက်ဆိုပြီး အရာရာ ဦးစားပေးခဲ့တဲ့သူက ကိုယ့်ကို နောက်ဆုံးမှာ ထားလာတဲ့အခါ၊ ပြုစုယုယမှုတွေ ပျောက်ဆုံးလာတဲ့အခါ၊ ကိုယ့်ကို မချစ်တော့ဘူးလို့ ထင်လာတဲ့အခါ၊ သားသမီးတွေကို လျစ်လျှူပြုလာတဲ့အခါ၊ ကိုယ်အမုန်းဆုံးဖြစ်တဲ့ ဖောက်ပြန်တာကို ပျော်ပျော်ကြီး ကျူးလွန်နေတဲ့အခါ၊ ကိုယ်မဟုတ်တဲ့ တခြားမိန်းမသားတစ်ယောက်နဲ့ သာယာနေတဲ့အခါ၊ အိမ်ထောင်ရှင်အမျိုးသမီးတွေဟာ တုံ့ပြန်ပုံ၊ တုံ့ပြန်နည်း မတူကြပါဘူး။
တချို့မိန်းမသားတွေက ကိုယ့်ယောကျ်ားဖောက်ပြန်နေတာကို လျစ်လျှူပြုပြီး တစ်ယောက်တည်း ငိုကြွေးနေတတ်ကြတယ်။
တချို့အမျိုးသမီးတွေများမတော့ သားသမီးမျက်နှာကိုငဲ့ပြီး ယောက်ျားကို ဖက်တွယ်ထားတတ်ကြတယ်။
တချို့ပန်းကလေးတွေများမှာတော့ နာကျင်စရာတွေကို ထွေးပိုက်ပြီး ဝဋ်ကြွေးတွေ ဆပ်နေတတ်ကြတယ်။
တချို့ကတော့ ပြတ်တယ်၊ ဖောက်ပြန်တဲ့သူကို ပြတ်ပြတ်သားသား စွန့်လွှတ်နိုင်တယ်။
တချို့က ကလဲ့စားချေတတ်ကြတယ်။
တချို့က ဉပဒေကို အားကိုးပြီး တရားရုံးတတ်ကြတယ်။
…
…
…
စသဖြင့် အမျိုးမျိုး လုပ်တတ်ကြပါတယ်။
ဒီစာအုပ်ထဲက အကြောင်းအရာတွေဟာ ရာချီတဲ့ မိန်းမသားတွေရဲ့ ရင်ဖွင့်ခံစားချက်တွေကို စုစည်းရေးသားထားတာမို့ အိမ်ထောင်ရှင် အမျိုးသမီးတွေနဲ့၊ အိမ်ထောင်ပြုကြမယ့် အမျိုးသမီးတွေသာ ဖတ်မိမယ်ဆိုရင် သိပ်ကို အကျိုးရှိမှာပါ။
ဖောက်ပြန်ခံနေရတဲ့မိန်းမသားတွေ သိချင်တဲ့ မေးခွန်းတွေကိုလည်း ဥပဒေအရာရှိနဲ့ အချိန်ပေးပြီး ဆွေးနွေးထားတဲ့ အချက်တွေပါ ပါတာမို့ မိန်းမသားတွေအတွက် ပိုပြီးအကျိုးရှိစေမှာပါ။
အမျိုးသမီးတွေ ဖတ်မိကြပါစေ။
အမျိုးသားတွေလည်း ဖတ်မိပြီး စာနာတတ်ကြပါစေ။
ပန်းကလေး၊ ပန်းကလေး၊ ပိုးကိုက်ခံပန်းကလေး။
တကယ်တမ်း ဒီစာအုပ်နာမည်ဟာ “ပိုးကိုက်ခံ ပန်းကလေးများ” မဖြစ်သင့်ပါဘူး။ “ကျွန်မတို့သည် ဖောက်ပြန်ခံရသော မိန်းမသားများ ဖြစ်ကြသည်” လို့ပဲ ဖြစ်သင့်တာပါ။
LewisAvali says:
Hello colleagues how is the whole thing and what you want to say regarding this article in my view its actually amazing designed for me. keepstyle