တကယ်တော့ လက်တွေ့ဘဝမှာ စိတ်ကောင်း၊ နှလုံးကောင်းနဲ့ ရှင်သန်နေထိုင်တတ်ဖို့ရာ အင်မတန်မှ ခက်ခဲလွန်းလှပါတယ်။ အထူးသဖြင့် မကောင်းတဲ့ရပ်ဝန်းမှာ ရှင်သန်နေရတဲ့ အခြေအနေမျိုးမှာပေါ့။ ဒါကြောင့် ကိုယ်ပိုင်ဆိုင်ထားတဲ့ ဘဝလေးကို ရိုးရိုးရှင်းရှင်းလေးနဲ့ အေးအေးချမ်းချမ်းလေးပဲ ဖြတ်သန်းချင်တယ်ဆိုရင် ကိုယ့်စိတ်ကို အတတ်နိုင်ဆုံး ကောင်းမွန်လာအောင် ပြုပြင်ပေးရမှာ ဖြစ်ပါတယ်။နေ့စဉ်နဲ့အမျှ ရုန်းကန်ရှင်သန်နေကြရတဲ့ ဘဝတိုတိုလေး အတွင်းမှာ –× မေတ္တာစိတ်ဆိုတာ ဘယ်လိုစိတ်ထားမျိုးလဲ…× ရောင့်ရဲတတ်တဲ့စိတ်ဟာ ဘယ်လောက်ချမ်းသာသလဲ…× သည်းခံတတ်တဲ့ စိတ်ကို ဘယ်အခြေအနေမျိုးမှာ ထားသင့်သလဲ…× စွန့်လွှတ်တတ်တဲ့စိတ်ဟာ ဘယ်လောက်အေးချမ်းသလဲ…စတဲ့ စိတ်ထားလေးတွေကို လူငယ်တွေ သိရှိနားလည်ပြီး ဒီလိုစိတ်ကောင်းမျိုးလေးတွေနဲ့ ရှင်သန်နေထိုင်တတ်လာအောင် ဘာသာရေးရှုထောင့်ကနေ လက်တွေ့ကျကျ ရေးဖွဲ့ပေးထားတဲ့ စာအုပ်လေးတစ်အုပ်ပဲ ဖြစ်ပါတယ်။