ဆုပ်ကိုင်ခြင်းနှင့် စွန့်လွှတ်ခြင်းဆိုတဲ့ ဒီနှစ်ခုဟာ balance မျှရမယ်။ ဆုပ်ကိုင်ရမယ့်အရာတွေကို သိရှိပြီး မဖြစ်မနေ စွန့်လွှတ်ရမယ့်အရာတွေကိုလည်း သိရမယ်။ တကယ်တမ်း ကိုယ်တွေရင်ထဲမှာ အကြည်ဓာတ်လေးက ကိန်းအောင်းနေပြီးသားပါ။ အကြည်ဓာတ်လေးရှိမှ နေ့ရက်တိုင်းကို ကောင်းမွန်စွာ ကျော်ဖြတ်နိုင်မှာ ဖြစ်တယ်။ ကိုယ့်အကြည်ဓာတ်ကို မပျောက်သွားအောင် ကိုယ့်ဘက်က ကာကွယ်တတ်ရတယ်။ Inner Peace လို့လည်း တင်စားချင်ပါတယ်။ စိတ်ကလေး မောပန်းနွမ်းလျတဲ့အခါ အခုစာအုပ်လေးက မိတ်ဆွေရဲ့မျက်နှာကို ပြုံးရယ်လာအောင် ပြုလုပ်ပေးလိမ့်မယ်လို့ ယုံကြည်ထားပါတယ်။​ လူက အရွယ်ရောက်လာတဲ့အခါ အထီးကျန်ချိန် တိုးလာတယ်။သို့သော်လည်း အဲဒီအထီးကျန်ခြင်းကို ကျော်ဖြတ်သွားနိုင်တဲ့အခါ ဘဝဟာ နေချင်စဖွယ် ဖြစ်သွားတယ်။ အပိုဆုအနေနဲ့ ကိုယ့်အထီးကျန်ခြင်းကို မျှဝေခံစားပေးနိုင်တဲ့ လူမျိုးကို ရှာတွေ့သွားရင်တော့ ဘဝဟာ ပိုနေချင်စဖွယ် ကောင်းလာပါတော့တယ်။

တချိူ့က “မိုးရာသီမှာ မိုးရွာတာ မဆန်းပါဘူး”လို့ သဘောထားတတ်တယ်။ တချို့ကတော့ “ဒီမိုးကလည်း ထီးမပါမှ ရွာပြန်ပြီရယ်”လို့ ညည်းညူတတ်တယ်။ ဒါတွေဟာ လူတစ်ဦးချင်းစီရဲ့ ကိုယ်ပိုင် အတွေးနဲ့ ရှုးမြင်ပုံပါပဲ။ သူ့စိတ်နဲ့ သူ၊ သူ့အခြေအနေနဲ့ သူပါပဲ။ လူသားတိုင်း လောကဓံနဲ့ မကင်းကြသလို လူကိုလူချင်း ကွဲပြားစေတာကလည်း သူတို့ ဘဝကို သူတို့ ဘယ်လို ပဲ့ကိုင်မောင်းနှင်နေသလဲဆိုတဲ့ Mindset တွေနဲ့ Habit တွေပါပဲ။ ကိုယ့်စိတ်ဓာတ်၊ ခံယူချက်နဲ့ အလေ့အကျင့်တွေပေါ် မူတည်ပြီး ကိုယ့်Brand တွေရဲ့တန်ဖိုးဟာ ကွာခြားလာကြရပါတယ်။ ဒီစာအုပ်လေးမှာ… ဘယ်လို Attitude (စိတ်နေ‌စိတ်ထား)နဲ့ လက်ခံကြမလဲ၊ ရင်ဆိုင်ကျော်လွှားကြမလဲ ဆိုတာတွေ… အောင်မြင်ပျော်ရွှင် အေးချမ်းတဲ့ Smart Life လေး ပိုင်ဆိုင်နိုင်အောင် ကိုယ့်စိတ်နဲ့ ကိုယ်ကို […]

ဒီစာအုပ်လေးဟာ အနယ်နယ်အရပ်ရပ်ကနေ… ကိုယ့်မြေ၊ကိုယ့်ရေ၊ကိုယ့်ဒေသတွေကို ရဲရဲဝံ့ဝံ့ စွန့်ခွာကြပြီး ကိုယ်နဲ့ အကျွမ်းတဝင်မရှိတဲ့ မြို့ကြီးတွေပေါ်တက်၊ ရေခြားမြေခြားပြည်ပနိုင်ငံခြားကို ထွက်ခွာနေကြတဲ့ လူငယ်တွေ၊ တစ်နည်းအားဖြင့် စွန့်စွန့်စားစား သွားရောက် လုပ်ကိုင်စားသောက်နေထိုင် ရပ်တည်ပြီး အသက်ရှင်နေကြတဲ့ လူငယ်တွေအတွက် ရည်ရွယ်ပါတယ်။ အားလုံးကို အိမ်အပြန်မျက်နှာပန်းလှပဖို့ရည် ရွယ်ကာ ရေးထားတဲ့ စာအုပ်လေးပဲ ဖြစ်ပါတယ်။ ရေခြားမြေခြား ပြည်ပနိုင်ငံကို မဟာစွန့်စားခန်းတွေ ဖွင့်ပြီးမှတော့ အိမ်အပြန် မျက်နှာပန်းမလှခဲ့ရင် လူပြောစရာ၊ လှောင်ရယ်စရာ ကဲ့ရဲ့စရာဖြစ်ပြီးတော့ သေချင်တဲ့ကျားတွေ တောပြောင်းသွားကြတဲ့ စကားပုံအတိုင်း ဖြစ်နေကြပါလိမ့်မယ်။ ဒါကြောင့်…ရည်မှန်းချက်တွေ ကြီးကြီးထား၊အချိန်နဲ့ လုပ်အားကို တန်ဖိုးထားပြီးအိမ်အပြန် မျက်နှာပန်းလှအောင် ကြိုးစားကြပါလို့ ဒီစာအုပ်လေးနဲ့ပဲ တွန်းအားပေးလိုပါတယ်။ လူငယ်တွေ အားလုံး အိမ်အပြန်မှာ မျက်နှာပန်းလှကြပါစေ…