စာအုပ်အရွယ်အစား -
အကြိမ်ရေ -
21 cm
ပထမအကြိမ်
ဤစာအုပ်တွင်ပါဝင်သော ဝတ္ထုတိုများသည် စိတ်ကူးယဉ်ဆန်ဆန်ဝတ္ထုမျိုး မဟုတ်ပါ။ လူ့ပတ်ဝန်းကျင်တွင် အများဆုံးဖြစ်တတ်လေ့ရှိသော သဘောသဘာဝများကို အခြေခံ၍ ရေးဖွဲ့ထားသော ဘဝသရုပ်ဖော် ဝတ္ထုတိုများ ဖြစ်ပါသည်။
"အမေ့စကား"၊ "မှန်ကန်သောယှဉ်ပြိုင်ခြင်း" စသည့် ဝတ္ထုများသည် သားသမီးများအပေါ် မိဘများအနေဖြင့် ဘယ်နည်းဘယ်ပုံ သွန်သင်ဆုံးမရမလဲဆိုသည့် Guide line ပေးထားသော သဘော ပါရှိသည့် ဝတ္ထုမျိုးဖြစ်ပါသည်။
လောကတွင် ယှဉ်ပြိုင်ခြင်း အမျိုးမျိုးရှိသည့်အနက် 'ဥစ္စာ' နှင့် 'ပညာ' အားပြိုင်မှုသည် နေရာဒေသမရွေး တွေ့ကြုံရနိုင်သော ယှဉ်ပြိုင်မှုတစ်ခု ဖြစ်ပါသည်။
၎င်းယှဉ်ပြိုင်မှုတွင် မည်သည့်အရာကသာလွန်သလဲဆိုသည့် သဘောတရားကို ဇာတ်အိမ်တည်၍ ရေးဖွဲ့ထားသောကြောင့် လူကြီးလူငယ်မရွေး ဖတ်ရှုသင့်သော စာအုပ်တစ်အုပ်လည်း ဖြစ်ပါသည်။
