Home >> လူကြိုက်များသည့် စာအုပ်များ >> မေတ္တာတွေ အပေးလွန်တဲ့အခါ
စာအုပ်အမည် - မေတ္တာတွေ အပေးလွန်တဲ့အခါ
စာရေးသူ - လင်းထက်သျှန်
စာမျက်နှာ - 112 စာ
တန်ဖိုး - 9500 ks
ဖုန်း - 09 969700606 သို့ဆက်သွယ်မှာယူနိုင်ပါသည်။

စာအုပ်အရွယ်အစား -

အကြိမ်ရေ -

၂၁ စင်တီ

ပထမအကြိမ်

📚 စာညွှန်း -

"မေတ္တာတွေ အပေးလွန်တဲ့အခါ"
"မေတ္တာဆိုတာ ကိုယ့်ဘဝတစ်ခုလုံးကို ပုံအပ်ပြီး တစ်ဖက်လူရဲ့အလိုကျ နေပေးရတဲ့အလုပ်တစ်ခု မဟုတ်ပါဘူး"

     ချစ်တယ်ဆိုတာ ကိုယ့်မှာရှိသမျှ အကုန်ပေးအပ်လိုက်ရတာလို့ ထင်မှတ်ခဲ့ဖူးသူတွေ ရှိပါတယ်။ ကိုယ့်အချိန်တွေ၊ ကိုယ့်ရဲ့အိပ်မက်တွေနဲ့ လိုအပ်ချက်တွေကို နောက်ဆုံးနေရာမှ ာထားခဲ့ပြီး တစ်ဖက်လူပျော်ရင် ကိုယ်လည်း ပျော်ပါတယ်လို့ ယုံကြည်ခဲ့ဖူးကြပါတယ်။ ဒါပေမဲ့ အဆုံးမှာတော့ ကိုယ်တိုင်ပဲ နာကျင်မှုတွေနဲ့ အထီးကျန်စွာ ကျန်ရစ်ခဲ့ရတယ်ဆိုတာကို တစ်ချိန်ချိန်မှာ သတိထားမိလာတတ်ပါတယ်။
     ဒီစာအုပ်လေးကတော့ အဲဒီလို ခံစားချက်မျိုးစုံကို ဖြတ်သန်းဖူးသူတွေရဲ့ ရင်ဖွင့်သံ၊ နာကျင်မှုတွေကို စကားလုံးအဖြစ် ပုံဖော်ထားတဲ့ မှတ်တမ်းတစ်ခုပါပဲ။ ဒီစာအုပ်ထဲမှာ မေတ္တာ အပေးလွန်ခဲ့ရလို့ ပင်ပန်းရတဲ့ အကြောင်းတရားတွေကို အပိုင်း (၅) ပိုင်းနဲ့ ရင်းနှီးနွေးထွေးတဲ့ သူငယ်ချင်းတစ်ယောက်လို ဖွင့်ဟပြောပြထားပါတယ်။
     စာမျက်နှာတွေကြားမှာ မေတ္တာကို အရင်းအနှီးပြုရင်းကနေ ကိုယ့်ကိုယ်ကိုယ် ပြန်လည်တန်ဖိုးထားတတ်လာပုံ၊ မမြင်နိုင်တဲ့ မျှော်လင့်ချက်ဆိုတဲ့ ချည်နှောင်မှုတွေကြောင့် ဖြစ်လာတဲ့ ဒဏ်ရာတွေ၊ ဆက်ဆံရေးတစ်ခုမှာ နယ်နိမိတ်သတ်မှတ်တာဟာ တစ်ဖက်လူကို ဝေးကွာစေတာ မဟုတ်ဘဲ ကိုယ့်ကိုကိုယ် ကာကွယ်ခြင်းဖြစ်ကြောင်း စတဲ့ အကြောင်းအရာတွေကို တွေ့ရမှာပါ။ ပြီးတော့ တစ်ခါတလေမှာ ကိုယ့်အတွက် "မလုပ်ပေးနိုင်ဘူး" လို့ ရဲရဲဝံ့ဝံ့ ငြင်းဆိုတတ်ဖို့ ဘာကြောင့် လိုအပ်သလဲဆိုတာကိုလည်း ပုံဖော်ပေးထားပါတယ်။
       ဒီစာအုပ်လေးက တစ်ဖက်သတ် ချစ်ခဲ့ဖူးသူ၊ အလိုလိုက်လွန်းလို့ ပင်ပန်းနေရသူ၊ တခြားသူတွေအတွက်နဲ့ ကိုယ့်ဘဝကို မေ့လျော့နေသူတိုင်း ဖတ်ရှုပြီး နှစ်သိမ့်မှု ရယူနိုင်မယ့် ဖတ်သင့်တဲ့ စာအုပ်ကောင်းတစ်အုပ် ဖြစ်ပါတယ်။ စာဖတ်သူ ရောက်ရှိနေတဲ့ ဘဝအခြေအနေ၊ ကြုံတွေ့နေရတဲ့ နာကျင်မှုတွေ ဘယ်လိုပဲဖြစ်ပါစေ... ဒီစာအုပ်လေးကို ဖတ်ပြီးသွားတဲ့အခါ မေတ္တာတရားကို စိတ်ပျက်မသွားဘဲ ကိုယ့်ကိုယ်ကိုယ် ပြန်ချစ်တတ်လာဖို့နဲ့ ရင်ထဲမှာ ရှိနေတဲ့ လေးလံမှုတွေ ပေါ့ပါးသွားဖို့အတွက် လမ်းပြပေးနိုင်ပါလိမ့်မယ်။
   မေတ္တာတွေ အပေးလွန်ခဲ့လို့ နာကျင်ခဲ့ရတဲ့ နေ့ရက်ဟောင်းတွေကို အတိတ်မှာပဲ ထားခဲ့ပြီး ဒီစာအုပ်လေးထဲက သင်ခန်းစာတွေနဲ့အတူ ကိုယ့်ရဲ့ရှေ့ဆက်မယ့် ခရီးကို အားအပြည့်နဲ့ ဆက်လှမ်းနိုင်ဖို့ ဖတ်ရှုသင့်တဲ့ စာအုပ်တစ်အုပ်ပါပဲ။