#စာညွှန်း-

လူတိုင်း၏ ဘဝခရီးတွင် တစ်ချိန်မဟုတ် တစ်ချိန်ကတော့ ရင်ဆိုင်ကြုံတွေ့ခဲ့ရဖူးသော စိတ်ဒဏ်ရာများ၊ နာကျင်မှုများနှင့် စိတ်ရှုပ်ထွေးမှုများစွာ ရှိကြပါသည်။ ဤစာအုပ်သည် အဆိုပါ နာကျင်စရာ စိတ်ဒဏ်ရာများကို ရဲဝံ့စွာ ရင်ဆိုင်ကျော်ဖြတ်ခဲ့ပုံနှင့် စိတ်၏ စစ်မှန်သော အေးချမ်းတည်ငြိမ်မှုကို မည်သို့ ပြန်လည်ရှာဖွေတွေ့ရှိခဲ့သည်ဆိုသည်ကို စာရေးသူ၏ ကိုယ်တိုင်ကြုံခဲ့ရသော အတွေ့အကြုံများမှ မိမိကိုယ်ကိုယ် နှစ်သိမ့်သော စာသားများဖြင့် သဘာဝဆန်ဆန် ရေးဖွဲ့ထားသည့် စာအုပ်တစ်အုပ် ဖြစ်ပါသည်။

စာအုပ်ထဲတွင် -
အတိတ်မှ စိတ်ဒဏ်ရာများကို နားလည်လက်ခံခြင်း - ကြုံတွေ့ခဲ့ရသမျှ နာကျင်စရာများကို ရှောင်လွှဲခြင်းမပြုဘဲ၊ မိမိကိုယ်မိမိ မည်သို့ ရင်းနှီးစွာ ပွေ့ဖက်ပြီး ကုစားရမည်ဆိုသည့် နည်းလမ်းများ။

စိတ်၏ ငြိမ်းအေးရာကို ရှာဖွေခြင်း၊ ပြင်ပကမ္ဘာ၏ ရှုပ်ထွေးမှုများကြားမှ မိမိ၏ အတွင်းစိတ်ကို တည်ငြိမ်အေးချမ်းအောင် ထိန်းသိမ်းနည်းနှင့် စိတ်ဖိစီးမှုများကို လျှော့ချနည်းများ၊ ဒဏ်ရာများမှတစ်ဆင့် ပိုမိုသန်မာလာပြီး မိမိ၏ စစ်မှန်သော ပုံစံအတိုင်း လွတ်လပ်စွာ ရှင်သန်နေထိုင်နိုင်ရေး စာစုများနှင့် မြတ်ဗုဒ္ဓ၏အဆုံးအမများဖြင့် ဖွဲ့စည်းရေးသားထားပါသည်။

အဘယ်ကြောင့် သည်စာအုပ်ကို ဖတ်သင့်သလဲ။
စိတ်ပင်ပန်းနွမ်းနယ်နေသူများ၊ Toxic Relationship ကနေ Move On ဖို့ ခက်‌ခဲနေသူများ၊ အတိတ်က စိတ်ဒဏ်ရာများ၏ ခြောက်လှန့်မှုကို ခံနေရသူများ (သို့မဟုတ်) မိဘဆီက ကူးစက်ခံရသော Trauma အမှားကြားက ရုန်းထွက်ချင်ပြီး စိတ်အေးချမ်းမှုနှင့် လမ်းပြနားခိုရာကို ရှာဖွေနေသူများအတွက် ဤစာအုပ်သည် ဆေးတစ်ခွက်ကဲ့သို့ စိတ်ကို ငြိမ်းအေးစေမည် ဖြစ်သည်။

စာအုပ်ကို ဖတ်ပြီးချိန်တွင် အတိတ်၏ အမှောင်ထုထဲမှ ထွက်ခွာနိုင်မည့် ခွန်အားနှင့်အတူ ပေါ့ပါးတည်ငြိမ်သော စိတ်နှလုံးကို လက်ဆောင်ရရှိသွားပါလိမ့်မည်။

"နာကျင်မှုဆိုတာ ဘဝ၏ အစိတ်အပိုင်းတစ်ခု ဖြစ်နိုင်သော်လည်း အေးချမ်းခြင်းဆိုတာ မိမိကိုယ်တိုင် ရွေးချယ်ဖန်တီးယူရမည့် လမ်းစဉ်ဖြစ်ပါသည်"