#စာညွှန်း -

ဘဝကို ပြောင်းလဲချင်လို့ အရာရာကို ကြိုးစား ပြင်ဆင်နေပါသလား။

အလုပ်အကိုင်၊ ငွေကြေး၊ ပတ်ဝန်းကျင်၊ လူမှုဆက်ဆံရေးတွေ ပြောင်းလဲသွားရင် ကိုယ့်ဘဝလည်း ပိုကောင်းလာမယ်လို့ ထင်ဖူးပါသလား။

တကယ်တော့ ဘဝတစ်ခုရဲ့ အပြောင်းအလဲဟာ အပြင်ဘက်ကနေ အစပြုတာမဟုတ်ပါဘူး။
ကိုယ့်စိတ်ထဲကနေ စတင်တာပါ။

တစ်ခါတလေ ဘဝက ကိုယ်မျှော်လင့်ထားသလို ဖြစ်မလာဘူး။ ကြိုးစားသလောက် မအောင်မြင်တာတွေရှိမယ်၊ ယုံကြည်သလောက် စိတ်ပျက်ရတာတွေရှိမယ်၊ ကိုယ်မရွေးချယ်ခဲ့တဲ့ အခက်အခဲတွေကိုလည်း ရင်ဆိုင်ရမယ်။

ဒါပေမယ့်—

ဖြစ်လာသမျှကို မပြောင်းလဲနိုင်တဲ့အချိန်မှာ
ဖြစ်လာသမျှအပေါ်ထားတဲ့ ကိုယ့်စိတ်ကိုတော့ ပြောင်းလဲနိုင်ပါတယ်။

• အတွေးတစ်ခု ပြောင်းလဲရုံနဲ့ ဆုံးဖြတ်ချက်တစ်ခု ပြောင်းလဲနိုင်တယ်။
• ဆုံးဖြတ်ချက်တစ်ခု ပြောင်းလဲရုံနဲ့ လျှောက်မယ့်လမ်းတစ်ခု ပြောင်းလဲနိုင်တယ်။
• လမ်းတစ်ခု ပြောင်းလဲသွားရင် ဘဝတစ်ခုလုံးရဲ့ ဦးတည်ရာလည်း ပြောင်းလဲသွားနိုင်ပါတယ်။

“ဘဝကိုမပြင်ခင် စိတ်ကိုပြင်ပါ” ဆိုတဲ့စာအုပ်က စာကိုဖတ်ပြီး ခဏတာစိတ်ခွန်အားရစေဖို့အတွက်သာ မဟုတ်ဘဲ ကိုယ့်ဘဝကို ကိုယ်တိုင်ပြန်ကြည့်စေမယ့် ဘဝဒဿနတွေ၊ အတွေးအမြင်တွေနဲ့ သင်ခန်းစာတွေကို စုစည်းထားတဲ့ စာအုပ်တစ်အုပ်လည်း ဖြစ်သည်။

ဘဝမှာ တစ်ခုခုကို ပြောင်းလဲချင်နေပြီဆိုရင်
ဘယ်က စပြောင်းရမလဲဆိုတဲ့ အဖြေကို
ဒီစာအုပ်ရဲ့ ပထမဆုံးစာမျက်နှာကနေ စတင်ရှာဖွေကြည့်ပါ။