စာညွှန်း -

"လမ်းပျောက်နေတာက ပြဿနာမဟုတ်ပါဘူး၊
 လမ်းသစ်ရှာဖို့ မကြိုးစားတာက ပြဿနာပါ"

 ဖုန်းစခရင်ကို ပွတ်ဆွဲရင်း သူများတွေရဲ့ အောင်မြင်မှုတွေကို ကြည့်ပြီး ကိုယ့်ကိုယ်ကိုယ် အသုံးမကျဘူးလို့ ခံစားနေရသလား?

 "ငါ ဘာလုပ်ရမလဲ၊ ငါ ဘာဖြစ်ချင်တာလဲ၊ ငါ့ဘဝက ဘယ်ကို ဦးတည်နေတာလဲ" ဆိုတဲ့ မေးခွန်းတွေကြားမှာ မင်း လမ်းပျောက်နေတယ်ဆိုရင်... တစ်ခုတော့ သိထားပေးပါ။ မင်းတစ်ယောက်တည်း မဟုတ်ပါဘူး။ ဒီနေ့ခေတ်မှာ လူငယ်တော်တော်များများဟာ လမ်းမရှိလို့ လမ်းပျောက်နေကြတာမဟုတ်ဘဲ "လမ်းတွေ အရမ်းများနေလို့" လမ်းပျောက်နေကြတာပါ။ ဘယ်လမ်းကို ရွေးရမှန်းမသိတာ၊ ရွေးလိုက်တဲ့လမ်းက မှားသွားမှာကို ကြောက်နေတာ၊ သူများတွေထက် နောက်ကျ ကျန်နေမှာကို စိုးရိမ်နေတာတွေဟာ မင်းရဲ့ အပြစ်မဟုတ်ပါဘူး။

 ဒီစာအုပ်ဟာ မင်းကို "အောင်မြင်ကျော်ကြားတဲ့သူ" ဖြစ်အောင် ချက်ချင်းပြောင်းလဲပေးမယ့် စာအုပ် မဟုတ်ပါဘူး။ ဒါပေမဲ့ လမ်းပျောက်နေတဲ့ မင်းကိုတော့လမ်းပြပေးပါလိမ့်မယ်။

ဒီစာအုပ်ထဲမှာ -

▪️ လမ်းပျောက်ရင်း လမ်းမမှားစေဖို့ -
ကိုယ့်နဲ့ကိုက်ညီမယ့် လမ်းသစ်ရှာဖွေဖို့၊
လမ်းဟောင်းကနေ ရုန်းထွက်ပြီး ကိုယ့်စွမ်းအားနဲ့ ဝင်ငွေဖန်တီးနိုင်မယ့် လမ်းသစ်ကို ဘယ်လိုရှာဖွေ ဖောက်ထွက်ရမလဲဆိုတာ လက်တွေ့ကျကျ လမ်းညွှန်ထားပါတယ်။

▪️ ဝေဝါးမှုမရှိတဲ့ ပန်းတိုင်စိုက်ထူဖို့ -
ရည်မှန်းချက်တွေကို အပိုင်းပိုင်းဖြတ်ပြီး လက်တွေ့လုပ်ဆောင်နိုင်ဖို့နဲ့
လမ်းသစ်ရှာတွေ့ဖို့အတွက် လက်တွေ့လုပ်ဆောင်ရန် နည်းလမ်း (၈) ချက်ကို တိတိကျကျ ဖော်ပြပေးထားပါတယ်။

▪️ ဘဝမှာ လမ်းပျောက်သူဘဝကနေ လမ်းသစ်ဖောက်သူဖြစ်လာအောင် စာရေးသူကိုယ်တိုင် ရုန်းကန်ရွေးချယ်ခဲ့ရတဲ့ စိန်ခေါ်မှုတွေ၊ လက်တွေ့ဘဝ သင်ခန်းစာတွေနဲ့ ကမ္ဘာကျော်ပုဂ္ဂိုလ်ကြီးတွေရဲ့ ဖြစ်ရပ်မှန်တွေကို လူငယ်တို့နဲ့အတူ ရင်ဘတ်ချင်းနီးကပ်စွာ ပေါင်းစပ်မျှဝေပေးထားတာ ဖြစ်ပါတယ်။
မင်းရဲ့ဘဝဟာ ပျောက်ဆုံးနေတာမဟုတ်ပါဘူး၊ ခဏတာ "မြေပုံ" ရှာမတွေ့သေးတာရယ်ပါ။ အခု ဒီစာအုပ်ရဲ့ စာမျက်နှာတွေကို လှန်လိုက်တာနဲ့ မင်းရဲ့ "ကိုယ်ပိုင်မြေပုံ" ကို စတင်ရေးဆွဲဖို့ ပထမဆုံးခြေလှမ်းကို လှမ်းလိုက်ပြီလို့ မှတ်ယူလိုက်ပါ။

 ယုံကြည်ချက်ရှိရှိနဲ့ ရှေ့ဆက်လိုက်ရအောင်...။