ဒီစာအုပ်လေးမှာ…
🩵ဘဝရုပ်ပုံလွှာနဲ့ 🩵အချစ်ရုပ်ပုံလွှာ ဆိုပြီး
အပိုင်း (၂) ပိုင်းခွဲပြီး ရေးထားပါတယ်။
ထုံးစံအတိုင်း ကျွန်မက တိုင်းရင်းသူမို့ မြန်မာစာအဖွဲ့အနွဲ့ သိပ်မတတ်ပါဘူး။ ဒီတော့ အရေးအသားတွေဟာ ရိုးရှင်းတဲ့စကား လုံးတွေပဲ ဖြစ်ပါတယ်။
ရိုးရှင်းပေမဲ့ စာဖတ်သူများရင်ထဲ ရောက်ပါစေလို့ တိတ်တခိုး မျှော်လင့်မိပါတယ်။
ဘဝထဲ ရှင်သန်လာတဲ့တစ်လျှောက်လည်း ကောင်းကောင်း၊ ဆိုးဆိုး အတွေ့တွေကို စာအဖြစ် ပြန်လည်ပြီး ရေးထားပါတယ်။ တချို့စာတွေဖတ်ရင်း တိုက်ဆိုင်မှုတွေရှိပြီး မိမိဘဝ ပြန်လည်မြင်ယောင်မိတာ ရှိပါလိမ့်မယ်။ ဘဝပုံရိပ်တွေပေါ့။ ဆိုးတဲ့ ပုံရိပ်၊ ကောင်းတဲ့ ပုံရိပ်၊ ကြည်နူးစရာ ပုံရိပ်၊ ၀မ်းသာစရာ ပုံရိပ် အစုံအလင်ပါပဲ။
ဆယ်ကျော်သက်မှာလည်း ချစ်ခဲ့တယ်။ နှစ်ဆယ်ကျော်မှာလည်း ချစ်ခဲ့တယ်။ နောင် သုံးဆယ်ကျော်ရောက်လည်း ဆက်ချစ်ဖို့ အင်အားရချင်တယ်။
🩵အချစ်ကို စိတ်မကုန်သင့်ဘူး။
🩵ထပ်ချစ်ဖို့ မကြောက်သွားပါနဲ့။
အချစ်ရှိတဲ့ဘဝဟာ သိပ်နေပျော်တယ်ဆိုတာ ကောင်းကောင်း သိတယ်။ အချစ်ရေးမှ ရလာတဲ့ အသိပညာ၊ အတွေ့အကြုံကို ပြန်လည်ဝေမျှထားပါတယ်။
ကောင်းတဲ့ ဘဝပုံရိပ်…
ကောင်းတဲ့အချစ်ပုံရိပ်သာ
ဖန်တီး နိုင်ပါစေလို့ ဒီစာအုပ်လေးကနေတစ်ဆင့် ဆန္ဒပြုလိုက်ပါတယ်။