ပျော်ရွှင်ခြင်းဆိုတာ ဘာလဲ...

ကျွန်တော်တို့ ကိုယ့်ဘေးပတ်ဝန်းကျင်ကို သတိထားကြည့်မိရင် လူအများစုဟာ ပျော်ရွှင်ခြင်းကို ပြင်ပအရာတွေဆီမှာ ရှာနေတတ်ကြတယ်။

ကိုယ်လိုချင်တဲ့အရာ၊ ကိုယ်ဖြစ်ချင်တဲ့အဖြစ်အပျက်ကို ရရှိပိုင်ဆိုင်တဲ့အခါ ပျော်ရွှင်ကြတယ်။

ဒါပေမယ့် အဲဒီပြင်ပအရာတွေက ရတဲ့ပျော်ရွှင်မှုဟာ ရေရှည်မခံဘူး။

ဒီလိုနဲ့ ကျွန်တော်တို့ဟာ ပြင်ပအရာတွေကပေးတဲ့ ပျော်ရွှင်မှုနောက်ကိုလိုက်ရင်း ကြာလာတဲ့အခါ ပင်ပန်းလာတယ်။

'ငါ့အတွက် ပျော်ရွှင်ခြင်းဆိုတာ ဘာလဲ' လို့ ကိုယ့်ကိုယ်ကိုယ် မေးလာမိတယ်။

ကျွန်တော့်ကိုယ်ကျွန်တော်လည်း ဒီမေးခွန်းကို ကြိမ်ဖန်များစွာ မေးဖြစ်ခဲ့တယ်။

ဒီအခါ အချိန်တစ်ခုမှာ ကျွန်တော် အဖြေတချို့ရခဲ့တယ်။

အဲဒီရလာတဲ့အဖြေတွေကို ပျော်ရွှင်ခြင်းဆိုတာ ဘာလဲလို့ ကျွန်တော့်လိုပဲ မေးနေမိတဲ့သူတွေအတွက် ပြန်ပြီးပြောပြချင်လာတယ်။

ဒီလိုနဲ့ "ပျော်ရွှင်ဖို့ မကြိုးစားပါနဲ့" ဆိုတဲ့စာအုပ်လေး ဖြစ်ပေါ်လာပါတယ်။