"ဘဝရဲ့အဓိပ္ပာယ်ဆိုတာ ရုန်းကန်ခြင်းပဲ"

စာရေးသူ ဆောင်းအေးသည် စာပေဝါသနာထုံလွန်းသည့် ပြင်ပစီးပွား​ရေးလုပ်ငန်းရှင်တစ်​ဦးဖြစ်သည်။

သူ့ဘဝ၏အ​တွေ့အကြုံ​များ၊ စီးပွားရေးလောကမှ ဖြစ်ရပ်မှန်များကို ခြုံငုံလျက်

ရင်နင့်ဖွယ်...

လွမ်းမောဖွယ်...

အားကျဖွယ်...

အတုယူဖွယ်... 

အရေးအသားများဖြင့် ရေးသားထားသော ဝတ္ထုတိုများ ဖြစ်သည်၊ အချို့က ဝတ္ထုတိုဆိုသည်ထက် ဝတ္ထုရှည်ဘက် ပိုမိုအားသာနေသည်ကိုလည်း တွေရသည်။ ဇာတ်ကောင်များ၏ စိတ်နေစိတ်ထား၊ အတွေးဒဿန၊ အယူအဆများက စာဖတ်သူတို့အတွက် အတုယူဖွယ်ရာ ကောင်းလွန်းလှသကဲ့သို့ "မုတ်သုံရွာတမ်းချင်း" အမည်ရှိ ဝတ္ထုထဲတွင်လည်း အောက်ပါအတိုင်း တွေ့ရနိုင်ပေမည်...

''ဘဝရဲ့အဓိပ္ပာယ်ကို မင်းမသိတာနဲ့ မရှိဘူးလို့ အတင်းငြင်း​နေတယ်။ မ​သေမချင်းမှတ်သွား၊ ဘဝရဲ့အဓိပ္ပာယ်ဆိုတာ ရုန်းကန်ခြင်းပဲကွ၊ မင်းမရုန်းချင်တိုင်း၊ ရင်မဆိုင်ချင်တိုင်း ထွက်​ပြေးလို့ လွတ်မယ်ထင်တယ်​ပေါ့​လေ" ဟု ဖခင်ဖြစ်သူက အိမ်ပေါ်မှ ဆင်းသွားတော့မည့် သားဖြစ်သူကို နောက်ဆုံးအနေဖြင့် ပြောဆိုဆုံးမလိုက်သော အတွေးဒဿနလေး ဖြစ်လေသည်။