ဒီစာအုပ်လေးကို မိန်းကလေးတွေအတွက် အကျိုးရှိစေမယ့် စာစုလေးတွေနဲ့ စုဖွဲ့ ဖန်တီးပေးထားပါတယ်။
ဘယ်သူတွေ ဖတ်သင့်လဲဆိုရင်တော့...
မှန်ကန်တဲ့ ဆုံးဖြတ်ချက်တွေ ချဖို့ရာ မပြတ်မသား ဖြစ်နေတဲ့သူတွေ၊ Self-confidence ပိုရှိလာစေမယ့် နည်းလမ်းတွေကို လိုချင်နေတဲ့သူတွေ၊ Single life မှာဖြစ်ဖြစ်၊ ကိုယ့်ရဲ့လက်တွဲဖော်နဲ့ဖြစ်ဖြစ် Healthy relationship တစ်ခု တည်ဆောက်ချင်ပါတယ်ဆိုတဲ့သူတွေအတွက် အကျိုးရှိစေမယ့် အကြောင်းအရာလေးတွေ ပါဝင်ပါတယ်။
အချစ်ကြောင့် ပြိုလဲခဲ့‌ရပေမဲ့လည်း ဘဝကို အကောင်းဆုံး ရှေ့ဆက်နိုင်တဲ့ မိန်းကလေးတွေအကြောင်း...
မိန်းကလေးတွေ သိထားသင့်တဲ့ ယောက်ျားလေးတွေရဲ့ စိတ်နေစိတ်ထားအကြောင်း...
မိန်းကလေးတစ်ယောက် ရင့်ကျက်သွားတဲ့အခါ ခပ်ချေချေနေတတ်သွားတဲ့အကြောင်း...
အိမ်မှုကိစ္စတွေ လုပ်ဖို့ထက် ပိုက်ဆံရှာရတာကို ပိုသဘောကျတဲ့ မိန်းကလေးတွေအကြောင်း...
ဘယ်တစ်စုံတစ်ယောက်ကိုမှ အားမကိုးဘဲ တစ်ယောက်တည်း ရှင်သန်ရပ်တည်နိုင်တယ်ဆိုတဲ့ မိန်းကလေး‌တွေအကြောင်း...
အချစ်နဲ့ ခပ်ကင်းကင်းနေရင်း ဘဝကို ပျော်ရွှင်စွာဖြတ်သန်းနေကြတဲ့ မိန်းကလေးတွေရဲ့အကြောင်း စတဲ့အကြောင်းအရာများနဲ့အတူ...
ပတ်ဝန်းကျင်ရဲ့ ဝေဖန်ကဲ့ရဲ့မှုတွေကို ခပ်စွာစွာ တုံ့ပြန်တတ်တဲ့ ကောင်မလေးတစ်ယောက်ကို တွေ့ရနိုင်သလို ငြိမ်းချမ်းအေးဆေးပြီး အကောင်းဆုံး လက်စားချေနည်း အနုပညာနဲ့ အပြုံးမပျက်၊ အမုန်းမပျက် တန်ပြန်တတ်တဲ့ ရင့်ကျက်တည်ငြိမ်ပြီး ထက်မြက်တဲ့ မိန်းကလေးတစ်ယောက်ကိုလည်း တွေ့ရနိုင်ပါလိမ့်မယ်။
တစ်ယောက်က ခပ်ချေချေလေး စွာလိုက်၊ တစ်ယောက်က ချော့လိုက်နဲ့ မတူညီတဲ့ ရသအစုံကို ခံစားရပါလိမ့်မယ်။
ဒီစာအုပ်လေး ဖတ်ပြီး ဘာမှမကျန်ခဲ့ဘူးဆိုတဲ့ နောင်တတွေ ကင်းဝေးစေရပါမယ့် စာအုပ်ကောင်းလေးဖြစ်တဲ့အကြောင်း...။