စီးပွားရေးဆိုတာ ဘာလဲ။
တကယ်တော့ စီးပွားရေးဆိုတာ ဘာမှ ထွေထွေထူးထူး မဟုတ်ပါဘူး။
သူများအိတ်ကပ်ထဲက ငွေကို
ကိုယ့်အိတ်ကပ်ထဲဆီ
ကြည်ကြည်ဖြူဖြူရအောင်
စွမ်းဆောင်ခြင်းပါပဲ။

ကျွန်တော့်ရဲ့ ''စီးပွားရေးကစားပွဲ'' စာအုပ် ကိုရေးဖို့ စဉ်းစားမိတဲ့အခါ ပထမဆုံးအနေနဲ့ ကိုယ်နဲ့ ဘဝတူ၊ စိတ်တူ၊ အခြေအနေတွေပါ အကုန်နီးပါး တူညီနေတဲ့ အသေးစားလုပ်ငန်းလေး တွေကို ကျွန်တော် ကျင်လည်ဖြတ်သန်း ကျော်ဖြတ်ခဲ့တဲ့ အတွေ့အကြုံ တွေရယ်၊ တက်ခဲ့တဲ့ သင်တန်းတွေက သိခဲ့တဲ့ အသိတွေရယ်၊ ကျွန်တော့် ခံယူချက်လေးတွေ မျှဝေချင်တာရယ်တွေနဲ့ ပေါင်းစပ်ရေးသားဖြစ်ခဲ့ပါတယ်။